माओवादीको खुलामञ्चमा आमसभा
भूमिगत विद्रोही नेकपा माओवादीले काठमाडौंको खुलामञ्चमा शुक्रबार आमसभा गर्ने भएको छ। पुनर्स्थापित संसदको पहिलो बैठक बस्ने दिन पारेर माओवादीले खुलामञ्चमा आमसभा गर्न लागेका हुन्।
माओवादी स्रोतका अनुसार आमसभालाई भूमिगत दलका भातृ संगठनका नेताहरुले सम्बोधन गर्नुहुनेछ।
बुधबार मध्यरातमा एकतर्फी रुपमा तीन महिने युद्धविरामको घोषणा गरे लगत्तै माओवादीको खुलाआमसभा गर्ने निर्णय सार्वजनिक भएको हो।
दलका नेताहरुलाई निशर्त संविधानसभाको निर्वाचनका लागि दबाब दिने उद्देश्यले माओवादीले सो खुला कार्यक्रम गर्न लागेको बुझिएको छ।
अनलाईनसमाचार
